Janmashtami lawmna pakhat Dahi Handi hmang

Lord Krishna pian cham lawmna, Janmashtami hman mek a nih laia Janmashtami ken tel, Dahi Handi chu nimin khan hman a ni.

Dahi Handi-ah hian participant, 'Govindas' an tihte chuan mihring ban, human pyramid an tih chu siamin an inchherchhuan a, lei aṭanga an khai kan 'dahi handi' han tihchhiat an tum ṭhin a ni. Dahi Handis hi pangpar hmanga chei niin lei aṭanga sang takah khai kan a ni ṭhin a, kawngpui, kawng inpawhna, vantlang kawtzawl leh remchang lai apiangah dah a ni ṭhin.

Govindas te pawh mawi taka incheiin, dahi handi dahna hmunte hi truck, bus leh two wheeler hmangtein an zawng kual ṭhin a ni. Dahi Handi hi ennawm a tlin avangin mipui tam tak an kal khawm ṭhin a, police-te chuan venhimna lam pawh an indah tam deuh ṭhin niin an sawi. Dahi Handi hi a bikin Maharashtra state-ah an lawm nasain, an festival lian ber pakhat zingah a tel.