Meghalaya cabinet-in liquor home delivery phalsak

Meghalaya cabinet meeting chuan an state-a wine shop-ten home delivery an tih a phalsak. Information and public relations minister James K Sangma chuan sorkarin wine shop-ten home delivery an tih theihna tur, licence pek chhuah a nih theih nan Meghalaya Exise Rules hnuaiah dan a siam thar tih a sawi. 

Home delivery-ah hian foreign liquor/wine litre thum chin leh, beer litre li chin aia tam a pel tur a ni lo tih minister chuan a sawi. A petute chuan deputy commissioner hnenah home delivery an tihna hming, residential proof leh thil dang pawimawhte an thehlut zel tur a ni. Customer hian kum 20 a tling tawh ti lantirna document a nei tur a ni a, kum dik loa sawite chu dan angin an chungah action lak a ni ang. 

Cabinet hian National Green Tribunal (NGT) committee-in a lo pawm tawh, Meghalaya Environment Protection and Restoration Fund (MEPRF)  guideline ennawn pawh a pawm bawk. MEPRF hnuaiah hian cheng vaibelchhe 445.16 hmuh a ni tawh. Meghalaya Transport Cor­poration Rules, 1976 siamṭhat pawh pawm a ni bawk.