G20 member-ah African Union la lut dawn

New Delhi-a G20 summit neih mekah Sherpa meeting neih hmain African Union chu G20 member atana lak luh a ni dawn niin an sawi.

African Union-ah hian member ram 55 an awm a, G20 hi an zawm a nih chuan European Union nen regional body pahnih an awm dawn ta a ni.

Sherpa meeting an tih hi G20-a tel ramte aiawh mi pakhat telna a ni a, G20 member atana African Union lak luh hi Delhi-ah vek hian meeting leh hunah an sawi dawn a ni. Sherpa te hian African Union member nihna tur hi an la ngaihtuah reng a, nimin zing thleng khan inremna ziah dan tur an la buaipui.

G20 summit neih tawh reng reng hi joint statement nei loin an la khar ngai lo a, India official-te chuan Pathianni tlaia summit a zawh hunah joint statement neih theih ngei an beisei thu an sawi. G20 member atana African Union lak luh a nih chuan joint statement an neih theih dawn bakah India President-na hnuaia khawvel chhim lam ramte thawhhona tiṭha thei tura hmalakna a nei tiin a sawi theih dawn a ni.