2024 inthlanpui atan BJP leh JDS te'n thawh dun tum

Karnataka chief minister hlui, BS Yediyurappa chuan Zirtawpni zing khan kum 2024 Lok Sabha inthlanpui lo awm tur atan Bharatiya Janata Party (BJP) leh Janata Dal (Secular) te chu an thawh dun tur thu leh, inthlan chuhho an tum tih a sawi.

Karnataka-ah hian kumin May thla inthlana Congress-in hnehna an chan hma kha chuan BJP-in sorkarna an siam a, BJP-in JD(S) a thawhpui ta hi INDIA beih letna tur nia ngaih a ni.

Kum 2024 inthlan atan hian Karnataka-a Lok Sabha seat 28 awm aṭangin JD(S) hian seat pali (4) an chuh dawn niin an tarlang. Mandya, Hassan, Bengaluru (Rural) leh Chikballapur seat te chu JD(S) hian an beisei niin an sawi bawk.

Kum 2019 Lok Sabha inthlanah khan BJP hian Karnataka-a seat seat 25 zet an la thei a, hetih lai hian JD(S) erawh chuan vote tla zawng zawng aṭanga 10% pawh an hmu tling lo thung. BJP hruaitu eng emaw zat chuan Karnataka-a JD(S) thawhpui chu an duh loh thu an sawi.