TDP President leh AP CM hlui N Chandrababu Naidu man

Criminal Investigation Deparmtent (CID) chuan Inrinni zing dar 6 khan Skill Development sum, Rs. vbc 317 zet tichingpen leh eirua puhna thubuaiah Andhra Pradesh chief minister hlui leh Telugu Desam Party President ni bawk, N Chandrababu Naidu chu inneihna hall-a a awm lai an man. He eiruk thubuaiah hian Chandrababu Naidu hi a bul tumtu bera puh a ni.

Chandrababu Naidu hi Pathianni khan Viayawada Anti-Corruption Bureau court-ah a inlan nghal a, mi tute'n emaw polictics-a hamṭhatna an duh avanga dawta puh a nih thu a sawi. Chandrababu aiawha a lawyer ding, Siddarth Luthra chuan,"A koa tla mawhphurhna leh chanvo a hlen kaihhnawiha a thiltih eng vang mahin thubuai siamsak theih a ni lo. Fund dawnte hi hman sual a awm a nih chuan hman sual a nihna level-ah zel khan a nih dan tur anga hmalak tur a ni ang. Chief Minister hlui man erawh hi chu thil dik a ni lo," tiin, Chandrababu puh a nihna chu state cabinet-in a pawm vek tawh, state thutlukna siam tawh a nih thu leh, mimala puh bik awm thei a nih loh thu a sawi.

TDF President CID-in an man duh lohna lantir nan hian Andhra Pradesh-a TDF mi leh sate chuan Pathianni khan state pum huapa chaw ngheia nawrh an huaihawt. Sorkar chu dik lo taka man, an party President chhuah vat turin an nawr a ni.