President-in loneitute tana buatsaih symposium a hawng

International Treaty on Plant Genetic Resources for Food and Agriculture (ITPGRFA) te'n New Delhi-a ni li awh tur symposium an buatsaih chu President Droupadi Murmu chuan a hawng. He symposium-ah hian khawvel huapa loneitute dikna chanvo humhalh chungchang bakah hman a harsat dante sawihona neih tum a ni.

Protection of Plant Varieties and Farmers’ Rights Authority, Indian Council of Agricultural Research, Indian Agricultural Research Institute leh National Bureau of Plant Genetic Resources te chu symposium buatsaihtute zingah hian telin, symposium kaltlang hian loneitute dikna chanvo neih hriat leh zirtir kawngah te, khawvel hmun hrang hranga hman a nih dan leh a harsat dan te, tihdan tur ṭha zawk leh an siam ṭhat theihte zirho a ni ang. Symposium buatsaihtute chuan International treaty hmasa ber neih hnua hetiang programme buatsaih a nih chhan chu treaty-a tel ram zawng zawngte'n loneitute tana hmalakna kawnga an tihtur an tih leh tih lohte hriatna atan a nih bawk thu an sawi.