Kerala-a mi 2 thihna Nipah virus vang nia hriat a ni

Kerala-a Kozhikode district-a Maruthonkara leh Thiruvallar block-ah Nipah virus vanga thi ni ngeia hriat mi pahnih an awm tih health official-te chuan an sawi.

Health Minister Veena George chuan Thawhlehni zing khan heng Nipah virus vanga thi nia hriat mi pahnihte nena inkalpawh mi 75 te chu damdawi nena thlithlaina hnuaiah an awm thu a sawi a, an zingah hian mitthi pakhat chhungte pali an tel a, pakhat chu naupang kum kaw mi niin ventilator hman ngaiin a awm. Health Department hian Thawhṭanni tlai khan district chhungah hriattirna a tichhuak tawh a ni. Kozhikode district chhunga hospital zawng zawngte chuan hri inkai theih laka invenna kaihhruaina an zawm vek tur a ni an ti a, hri leng darh tur ven hna thawk turin team 16 an tirh chhuah tawh thu an sawi bawk. Mitthi zinga pakhat hi a sample lak a ni a, National Institute of Virology, Pune-ah thawn mek a ni.