A Ṭum riat nan India leh China inbe leh

India leh China chuan nimin khan ramri chungchangah a ṭum riatna atan commander level-a inbiakna an nei leh. 

Ram pahnih sipai hotute hian nimin khan Ladakh hmar lama Chushul hmunah inbiakna hi an nei a, India aiawha inbiaknaa palai kalte hi 14 corps commander lieutenant general PGK Menon chuan a ho a ni. 

Inbiakna an neihah hian China lam hian India-in ramria sipai a dah leh tank bakah indo ralthuam ṭhahnem tak a dah chu la kiang turin a phut a, mahse hei hi India chuan chhang letin ramri  hmun hrang hranga China sipaite chu la kiang phawt turin India chuan China chu a phut ve bawk.

India leh China inrina Line of Actual Control (LAC)-a buaina chungchang avang hian a hma pawhin vawi tam ram pahnih te hian commander level-ah inbiakna an lo nei tawh a, October 21 kha an inbiak hnuhnung ber niin inremna mumal erawh an la siam thei lo a ni.