J&K-ah firfiak pakhat kap hlum leh

Firfiakte dap chhuah kawnga beihpui thlak mekah nimin khan Jammu & Kashmir, Rajouri district-ah firfiak pakhat kah hlum leh a nih thu Additional Director General of Police (Jammu zone), Mukesh Singh chuan a sawi. Ni thum awh firfiak dap chhuah beihpui thlakah hian firfiak pathum kah hlum an ni tawh.

Khaw chhe tak hnuaiah security force te chuan Rajouri khaw chhehvela km 75 bialah beihpui hi an thlak a ni. Thawhṭanni zan khan rinhlelh thilah mi pahnih chu Patrada ramhnuaiah an kap a, mahse, heng mi pahnihte hi zan thimah hian an bibo hman a ni.

Thawhlehni zing khan security force te leh Pakistan firfiak ni ngeia hriatte chu Narla khaw bulah hian an inkap a, he inkahnaah hian Army ui fing, Kent ti-a an koh chu kah hlum a ni a, force mi pathumin hliam an tuar bawk a ni. Nimin zing khan inkahna thleng lehin, hetah hian firfiak pakhat kah hlum leh a ni bawk.