Prime Minister-in 103rd Indian Science Congress a hawng

Pathianni khan Prime Minister Narendra Modi chuan University of Mysore-a January 7 thleng neih tur 103rd Indian Science Congress a hawng. He hunah hian Modi chuan Science and Technology chu India ram leilung fate hmasawn nana thil pawimawh a nih thu leh president hlui A.P.J. Abdul Kalam hmathlir nen pawh a inmil thu a sawi.

Modi chuan thu sawiin Scientist 15,000 zet kalkhawm hmaah, "Science hi kan nitin nunah kan hlamchhiah thei lo a, hmanlai aṭanga tun thlengin kan nuna hmun pawimawh ber luahtu pakhat a ni. Ram hmasawn nih kan duh chuan Science leh Technology-ah kan san a ngai. Mihring leh leilung hi hmasawn rual tur kan ni," a ti.

Hawnna inkhawma a thusawiah Modi chuan, "Ram hmasawn ni tur chuan mipui tu pawh kan pawimawh dan a intluk vek a, mawhphurtu bik kan awm lo. Lungrual taka ram hmasawnna kan ngaihtuah tlan a hun tawh," tiin a sawi bawk.

Ninga chhung awh tur Science Congress-ah hian scientist langsar tak tak 100 chuangin Nano Science, Space Science, Technology & Applications, Diabetes, Evolution: The Frontiers, Atomic Energy, Safe water and sanitation, Diseases and drug development leh Public-Private partnership for the Swachh Bharat Mission tih thupui hmangin thu an sawi dawn a ni.

University of Mysore-ah tho hian vawiin aṭang hian Children Science Congress neih a ni bawk ang.