Jaya-in sangha mantute tan PM a nawr

Tamil Nadu Chief Minister J Jayalalithaa chuan India sangha mantu Sri Lanka tanina tang mekte an chhuah thuai theih nana hma la turin Prime Minister Narendra Modi a ngen.

Sri Lanka taninah hian sangha mantu mi 84 an tang mek a, an zinga 29 hi nikum December 31-a man an ni.

Jayalalithaa chuan, "Pawi sawi lo sangha man-tuten hunpui laia tan ina hun an hmang hi a pawi tak zet. Ministry of External Affairs hian Sri Lanka thuneitute nen inbiakremna nei thuai se, tangte hi chhuah zalen thuai nise ka duh," a ti.

Sri Lanka sipaite hian India sangha mantu 29 te chu Nagapattinam district-a an ramchhuah laiin an man a, an lawng pathum an tihchhiat sak bawk a ni.