Lirnghing tuarte anpui dawn - Rajnath Singh

Union Home Minister Rajnath Singh chuan lirnghingin India hmar-chhak state a sawi chung-changah mitthi leh hliam tuar bakah bungrua a tihchhiatte chu sorkar laipuiin a hriatpui bakah a ṭanpui tur thu a sawi.

Thawhṭan zing dar 4.35 khan lirnghing 6.7-magnitude-a na chuan India hmarchhak state pakhat Maipur bakah
ṭhenawm ram a sawi a, Manipur sorkar chuan he thilthleng avang hian an state bikah mi pali an thih a, mi 50 velin hliam an tawrh thu an sawi.

Indo-Bangladesh ramri Steamerghat endik a zin Rajnath Singh chuan, "Prime Minister chuan hmarchhak a Chief Minister te nen inbiakna nei turin min ti a, Manipuir CM erawh ka la be pawp thei lo. Manipur Chief Secrectary chuan an state chuan lirnghing an tawrh nasat bik thu min hrilh tawh. Assam Chief Minister Tarun Gogoi-ji nen pawh inbiakna kan nei tawh bawk. Sorkar laipui chuan harsatna tawk te a ensan lo ang," a ti.

Union Home Minis-ter Rajnath Singh hian Pathianni khan Indo-Bangladesh ramri Steamer-gha a endik a, nimin khan India-Bang-ladesh ramri a Dhubri endik tur a ni bawk.