Firfiak bei turin India leh US thawk dun

Pathankot-a Indian Air Force base firfiakten an beihna chhui chianga pawikhawihtu man chhuak turin India leh United States an thawk dun.

State department thu-puangtu John Kirby chuan, "India ang thoin US hian firfiaka chetna hi a duh lo a, pawikhawihtu man chhuah leh hremna pek a duh. Rorelna dik a awm theih nana hma la turin an thawk dun zel dawn a ni," a ti.

Punjab state-a pawi-khawihna chung chang sawihoin Pathianni tlai khan Prime Minister Narendra Modi leh De-fence Minister Manohar Parrikar, National Se-curity Adviser Ajit Doval, Foreign Secretary S. Jaishankar bakah mi pawimawh ṭhenkhat an inhmu khawm a. Finance minister Arun Jaitley leh defence minister Manohar Parrikar te pawh inhmuhkhawmna hunah hian ka tel bawk.

Pawikhawihtute chuan training ṭha tak an nei ngei nia rin theih an ni a, an thil tih leh chet lak dan chu an zir lawk ngei nia ngaih an ni an tih bakah Jaish-e-Mohammad (JeM) Pakistan aṭanga lo kal ngei nia ngaih an ni an ti bawk.