RJD chhuhsantute kan ko kir lo ang - Lalu Prasad

Rashtriya Janata Dal (RJD) hruaitu Lalu Prasad Yadav chuan an party chhuhsantute chu an lo kir leh duh a nih pawhin lawm taka an lo lawm dawn loh thu a sawi.

Bihar Chief Minister hlui Lalu chuan, "Bihar inthlanpui neih dawn leh neih laia khan kan party chhuahsan tu an awm a. Khang mite khan tun dinhmunah hian rawn let leh an duh. Mahse, anni ho tan khan RJD-ah hian hmun a awm tawh lo," a ti.

Nikum Bihar Assembly inthlan-puiah khan seat 243 awm aṭangin RJD hian seat 80 ngawt an la a, party malah chuan seat la hnem ber an ni.