Nitish aiin a fapa a hausa zawk

Bihar Chief Minister Nitish Kumar-a'n laksawn theih leh laksawn theih loh ro sum a neih zat chu cheng nuaih 60 man bawr vel a ni a, a fapa Nishant chuan a pa ro sum neih let li vela tam a nei thung.

Kum thum liamtaa Kumar chhungkaw ro sum neih zat tarlanah chuan Chief Minister Kumar hian laksawn thaih loh cheng nuai 19 hu a neih bakah an ram khawpuiah cheng nuaih 40 man hu In a nei bawk.

Kum 64-a upa hruaitu hlun hian car pahnih a nei a, thil pek a dawn 2003 model Hyundai Santro leh nikuma a lei Ford EcoSport te an ni. Heng bakah hian bawngpui paruk leh pa pahnih a nei bawk.

Kumar-a fapa Nishant hian laksawn theih cheng nuaih 94 hu ro a neih bakah Patna leh Nalanda district-a thingtlang pakhat Kalyan Bigaha-ah vaibelchhe 1.2 man In a nei bawk.

Hetih lai hian Bihar Deputy Chief Minister Tejaswi Prasad Yadav chuan ro sum cheng nuaih 114.07 man hu ro a nei a, Nitish Kumar khaihhruai sorkar a Health Minister Tej Pratap Yadav chuan ro cheng nuaih 108.93 hu vel a nei thung a ni.