Gujarat-ah a vawi khat nan Solar, Stellar Observatories dah dawn

A vawi khat nan Gujarat-a Kutch diatrict-ah Indian Planetary Society (IPS) hriatpuinain cheng vaibelchhe 12 man solar leh stellar observatories dah tum a ni.

IPS CEO Akshay Malhotra chuan project an khawihna tur hmun an zirchianna hunah Solar Obsevatory chu Ni chakna thahrui hman ṭangkai theihna tur a nih bakah Stellar Observatory hi van thengreng a thil thleng chanchin hriat theihna tur hmanhrua a nih thu a sawiin, "Kutch district kan thlan chhan hi he lai hmunah hian boruak a thiangin a fiah em em a, van lam chanchin nena inpawh nan chuan hmun ṭha a ni," a ti.

Malhotra chuan sawi chhun-zawmin, "India ram hmun hrang hrangah hetiang hmun hi a awm tawh a, a ṭhen chu sorkat ta niin a ṭhen erawh NGO enkawl a ni thung. Gujatar-in a vawi khat nana hetiang a nei thei tur hi a lawmawm hle. Solar Observatory siam nan bik hian cheng vaibelchhe hnih vel kan hman rin a ni a, Stellar Observator siam nan hian vaibelchhe 10 vel a ngai thung a. PPP model a siam tur niin kum hnih chhunga siam zawh tura ruahman a ni," tiin a sawi bawk.

IPS hian India ram chhung a scientiest bakah rang hrang hranga scientiest te nen thawhhona an nei a, Munbai-ah Scientist Dr J J Rawal chuan an Offioce hmunpui ber a lo din tawh a ni.