Tamil Nadu sangha mantu mi 12 te Sri Lanka in man

Nimin khan Tamil Nadu sangha mantu 12 te chu Sri Lanka lawng sipaiten Katchatheevu bul hnaia sangha an man lai an man.

Assistant Director of Fisheries Gopinath chuan heng sanghamantu pariatte hi Rameswaram mite an ni a, a dang pali chu Pudukottai district-a Jegadappatinam mite an ni a ti.

Sanghamantute leh an lawng pathum chu Talaimannar-ah kalpui an nia, magistrate hmaa hruai an ni.

Sri Lanka lawng sipaite hian sangha mantute lawng hi an tichhe nghal vek a; mah se Sri Lanka mite lawng hmangin India ramchin tuipuiah an dahlet leh a ni.

December 31 khan Tamil Nadu Nagapattinam district-a sangha mantu 29 te chu Sri Lanka tuipui huamchhung Trincomallee an thlen vangin Sri Lanka sipaite hian an lo man tawh a ni.

Tamil Nadu Chief Minister Jayalalithaa chuan Prime Minister Narendra Modi hnenah ngenna thawnin, Sri Lanka lung ina tang mek India sangha mantu 80 te chhuah thuai tura nawr turin a ngen tawh a ni.