Afghan-a Indian consulate bulah bomb puak

Pathianni zana Mazar-i-Sharif hmun≠a Indian Consulate beih a nih hnuah nimin khan Afghanistan khawchhak lama Jalalabad khawpuiah bomb a puak; bomb puahna hmun hi India, Pakistan leh Iran ram palaite pisapui bulhnai a ni. Bomb puahna hi Jalalabad khawpuia India consulate aṭanga metre 400 chauha hla a ni. Hliam tuar an awm hriat a ni lo a, he inbeihnaa mawhphurtua inchhal an la awm lo bawk.

Pathianni khan Mazar-i-Sharif hmuna Indian Consulate chu silai kengin an bei tawh bawk. Silai keng pathumte hian Indian Consulate office chu an ralsai chiam a; a hnuah hnungtawlhin a bula inchhawng lia sangah an inkhuar zui a. Afghan sipaiten helicopter leh inchhawng sang dang aṭangin an kahrawn a,tichuan silai kengte hi an nuai chimit theita a ni.

Darkar 25 zet sipai leh firfiak silai kengte inkahnaah hian Sipai 10 velin hliam an tuar a, silaia inkahna kara tangkhang mi panga in hliam an tuar bawk. He inbeihna pawh hi a titua inchhal an la awm lo. UN Secretary General Ban Ki-moon chuan Afghanistan khawpuia Indian Consulate beih a ni chu a dem thu a sawi.