BJP hnuaiah firfiaka chetna a hluar

Congress hruaitu Sushil Kumar Shinde chuan BJP-in thuneihna an chan apiangin firfiaka chetna a hluar ziah niin a sawi.

Shinde chuan Modi kaihhruai sorkar chu sawiselin, Pakistan leh India inlaichinna vawng nung zo loah a puh a, BJP kaihhruai sorkar a din tawh chuan firfiaka chetna a hluar phiah ziah ṭhin niin Nilaini khan a sawi.

Home minister hlui hian, "Kum 1999 khan Indian Airlines thlawhtheihna chu hruaikawi a ni a, chhanchhuah a nih theih nan kan t‚n in aṭangin firfiakte kan chhuah a, chung zingah chuan Masood Azhar pawh a tel. He thil hian firfiak pawlte, a bikin JeM angte nasa takin a tihuangtau a, tunah chuan India chu ram chak lo takah an ngai tawh a ni," a ti.

"Kha thil thlen hnu khan firfiaka chetna nasa tak a thleng ta fo mai a, Red Fort-ah, J&K assembly-ah, Parliament tualah te ngei firfiakte chetna kan hmu ta. BJP-in thuneihna an chan apiang hian hetiang thil hi a thleng nasa zual ṭhin a ni," a ti.

Shinde hian Pathankot beih a nih chungchangah sorkar chu a che rang tawk lo niin a puh a, sorkar chu a che muangin, awmze nei zawkin thil a ti lo a ni a ti bawk.

PM Modi-a'n Pakistan a tlawh chungchangah, "Ruahman lawk leh sawi lawk awm loin Pakistan a tlawh thu a, mahse khami ṭuma an inbiakna erawh tuman kan hre lo," a ti. Pakistan nen inlaichinna ṭha neih a duh hle thu Shinde chuan sawiin, inlaichinna ṭha nei tur erawh chuan India ram himna hian eng emaw chen chu a tawrh ve ngaia a hriat thu a sawi.