Rajiv Gandhi thattu chhuah dilsak

Prime Minister hlui, Rajiv Gandhi an thahnaa inhnamhnawih, court-in thiam loh a chantir avanga tuna tâng mek, AG Perarivalan chu a nuin chhuah a nih theih nan Tamil Nadu CM J. Jayalalitha hnenah dilna a thlen.

AG Perarivalan nu, Arputhammal chuan India danpui hnuaia Article 161-na hmangin Jayalalitha hnenah Nilaini khan a fapa chhuah tura ngenna hi a thehlut. He ngenna hi Tamil Nadu State Secretariat-a special cell kaltlangin a thehlut a ni.

Article 161-naah hian Danpui chu governor-te hnenah ngaihdamna theihna a pe a ni.

Arputhammal hian a fapa AG Perarivalan chhuah a nih theih nan hian CM puihna leh thlawpna a dil a, amah AG Perarivalan pawh hian December 30 khan Tamil Nadu governor hnenah chhuah tura ngenna a lo thawn tawh bawk.

AG Perarivalan hi Rajiv Gandhi thattu dam chhung t‚ng tura thiam loh chantir mi pasarih zinga pakhat a ni a, kum 25 chhung deuh thaw jail-ah t‚ng tawhin, tunah hian kum 42 mi a ni. Rajiv Gandhi kha kum 1991, May 21 khan thihchilh bomb hmangin, Chennai bula Sriperumbur-ah thah a ni a, a rual hian mi 14 lai an thi tel.