February 27-ah Sanjay Dutt chhuak dawn

Bollywood film star lar Sanjay Dutt chu February 27 hian chhuah a ni dawn. Sunjay Dutt hi Mumbai-a kum 1993-a bomb puaka inhnamhnawiha puh a nih avanga man a ni.

Maharashtra sorkar chuan Sunjay Dutt hi a thu-buai a tihtawpsak tak avangin February thla aṭang hian chhuah zalen a ni tawh dawn tih thuneitute chuan an puang.

Kum 1993-a Mumbai-a bomb puakah a inhnamhnawih nia puh a nih hnuah TADA hnuaiah fir-fiaka chetna aṭang hian thiam a chang a, mahse dan loa ralthuam kawl avangin thiam loh a chang thung. Court chuan kum nga chhung lung in tâng turin a hrem a ni. Sunjay Dutt hi chhuah zalen a nih chuan lung inah thla 42 chhung a tang hman dawn tihna a ni. Ralthuam a kawl chung-changah hian Dutt chuan kum 1992, December 6-a Babri Mosque beih a nih vel laia sakhuana avangin inbeihna chhuakah, amah leh a chhungkua venhim nan ralthuam a kawl niin a sawi.

Tunah hian Dutt hi Pune-a Yeravada Centrail Jail-ah a tang mek a, jail chhunga a nungchang ṭhat avangin hriat a hlawh hle.