NPR atan document leh biometric ngai dawn lo : HM

Union home ministry chuan National Population Register (NPR) kalpuina turah document phut kher a ni dawn lo a, biometric lak pawh a ngai dawn lo tih a sawi. 

NPR kalpuina tur, zawhna chhan tur awmna form chu tihfel thuai a ni dawn tih ministry official-te chuan an sawi. He chhiarpui kalpuinaah hian mipuite chu "document dil an ni dawn lo a, biometric pawh lak a ni dawn lo," an ti. Mahse Registrar General and Census Commissioner office website-a information dahchhuahah, NPR database-ah hian demographic leh biometric kimchang te erawh tarlan tel a ni ang. 

Eptute party-ten an sawisel chungin BJP kaihhruai National Democratic Alliance (NDA) sorkar chuan NPR kalpui tur hian state tam zawkah a kalpui dan tur hriattirna pek pawh a ni tawh. NPR data lakkhawm hnuhnun ber chu kum 2010 khan niin, Census 2011 kalpui  rualin neih a ni. Kum 2015 khan door-to-door survey neih niin date hi update a ni leh bawk. 

NPR hi kumin April - September thla chhung hian state leh UT tinah kalpui tur a ni. Assam erawh chu National Register of Citizens (NRC) kalpui a nih avangin telh ve a ni lo ang. Union cabinet chuan NPR buaipuina tur hian Rs vaibelchhe 3,941.35 a pawm tawh a ni.