Pathankot beihna chhui zel

National Investigation Agency (NIA) chuan firfiak ten Pathankot IAF thlawh theihna ṭum hmun an beih chhuina kal zelah, khami nia firfiakten an rukbo Gurdaspur SP Salwinder Singh chu nilaini khan thu an zawtfiah. SP hi amah rubotuten him piala an chhuah tir leh chung changah thu an zawtfiah a ni ber.

Singh-an amah an rukbo dan a sawi leh a
ṭhianpa Rajesh Verma leh a eisiam Madan Gopal thusawi chu a inkawlkalh zeuh zeuh niin an sawi.

Singh hian FIR a thehluhah chuan, Sipai thuam inbel AK 47 silai keng pangain an rubo niin a tarlang a. A ṭhian≠pa Rejesh Verma chuan rubo tute hi pali emaw panga niin a sawi ve leh thung. Firfiakte hian an chuanna lirthei tidingin, Rajesh chu hnukchhuakin a hmaah an ṭhut luihtir a, ani chu a laiah an ṭhuttir niin FIR ah a tarlang.

Hetih lai hian chan≠chinthar thehdarhtute hmaah chuan, firfiakte hian GPS an keng nia sawiin, hei hi FIR ah a tarlang leh si lo chu zawhna titamtu a ni.

UN Secretary General Ban Ki-moon chuan Pathankot IAF hmunpui beih a ni chu a dem tih sawiin, India leh Pakistan hruaituten boruak ṭha nei tura inbiakna an kalpui chu chhunzawm turin a ngen nghal bawk.

Pathankot IAF hmunpui hi January 2 khan firfiak silai kengten luhchhuahin, venghimtu leh sipai officer LT Colonel telin mi pasarih an that a ni. He hmun beitu firfiak parukte chu thah vek an ni a, Pakistan-a inkhuar Jaish-e-Mohammed mi leh sate an nih rin a ni.