Vice President-in Parliament building tharah flag pawt parh

Vice President leh Rajya Sabha Chiarman ni bawk, Jagdeep Dhankhar chuan Pathianni khan Parliament building thar hawn nan flag a pawt parh. India flag hi Parliament building-a Gaja Dwar an tih chungah dah niin, Lok Sabha speaker Om Birla chuan Vice President hi a ṭawiawm a ni.

September 18-22 chhunga neih tur, parliament special session hi Parliament building tharah hian neih hman tum a ni. VP Dhankhar chuan,"India tan hun pawimawh tak a ni, he ram hian danglamna ropui tak a tawng mek a, khawvel pum hian he ram theihna, khawvel tana a ṭangkaina leh a ropuinate hi an hmu tawh a ni," tiin flag pawh parhnaah hian a sawi. Flag pawh parhna hunah hian Union Minister Piyush Goyal, Pralhad Joshu leh Arjun Ram Meghwal leh political party dang hruaitu eng emaw zat an tel bawk.