Union minister 36-te J&K-ah zin dawn

January 18-24 inkar hian Union Council of Minister 36-te chuan Jammu & Kashmir (J&K) an tlawh dawn a, Union home minister Amit Shah-in a ho ang.

An zin tur chungchang hi January 14 khan Minister of State for Home, G. Kishan Reddy chuan J&K chief secretary B.V.R. Subrahmanyam hnenah lehkha thawnin a hriattir a, a ṭul anga minister zin turte lo buaipui turin a ti. Minister-te hi sorkar kalphung mipuite hnena hriattir turin J&K-ah hian an kal dawn a ni.

G Kishan Reddy, Ravi Shankar Prasad, Shripad Naik, Niranjan Jyoti leh Ramesh Pokhriyal-te chuan Kashmir Valley an tlawh a nga, a bak zawng chuan Jammu-a district hrang hrangte an tlawh thung ang.Nikum August 5-a sorkar laipuiin J&K special status Article 370 a hlih hnu khan union minister ṭhenkhatte chuan J&K hi an tlawh tawh a ni.