Sorkarin MOIA leh MEA chhunfin a tum

Sorlar laipui chuan ministry of overseas Indian affairs (MOIA) leh external affairs ministry chu chhunfin a tum.

Prime Minister Narendra Modi leh external affairs minister Sushma Swaraj-te chuan ministry pahnih chhunfin rawtna hi an pawm tawh a ni. Sushma Swaraj-i hian MOIA charge hi a la tel. Swaraj-i chuan, "MOIA hnathawk hi external affairs kaltlanga thawh vek tho a ni a, hei vang hian PM hnenah MOIA hi external affairs ministry-a chhunglut mai turin ka rawt a ni" a ti. PM pawhin a rawtna hi a lo pawmsak thu sawiin, MOIA chu external affairs ministry peng pakhat a ni tawh zawk dawn niin a sawi.
MEA thupuangtu Vikas Swarup chuan ministry pahnih chhunfin tur hian hma lak ṭan nghal a nih thu sawiin, hei hian hnathawh hrang hrang tihkhawtlai
ṭhinte chinfelna kawngah sorkar chu nasa takin a pui thei zawk dawn a ni, a ti.

MOIA hi kum 2004-a din a ni a, ministry pahnih hian a hran ve vein minister an nei ṭhin. Mahse kum 2014-a BJP kaihruai NDA sorkar a din aṭang khan minister hran dah loin, Swaraj-i leh minister of state VK Singh-te chuan ministry pahnih hi an enkawl kawp a ni.