Lemchan thiamte security pek titlem

Mumbai Police-te chuan Bollywood mi leh sa eng maw zat hnena venhimna an pek ṭhin chu an titlem a, an zingah hian Aamir Khan leh Shah Rukh Khan te pawh an tel.
Aamir leh Shah Rukh te hi sakhaw thila inngaih≠theih lohna thleng chung≠changa an thusawi avanga nasa taka beih an nih avangin nikum khan venhimna pek belh an ni a, mahse venghimtu tam zawk pek chhunzawm zel hi a ngai tawh lo niin police-te chuan an sawi.

Anni pahnih bakah Bollywood mi leh sa ṭhenkhat venhimna pek pawh tihtawp a ni a, an tihtawpsakzingah hian Vindu Vinod Chopra, Rajkumar Hirani, Farah Khan leh producer Ali leh Karim Moran-te an tel. Mumbai Police-te hian Akshay Kumar, Mukesh Bhatt, Amitabh Bachchan, Dilip Kumar leh Lata Mangeshkar-te erawh chu venhimna a la pe chhunzawm dawn. Akshay hian a film, "Khiladi 786' leh 'Oh My God' avangin vau a lo tawk tawh a ni. Bhatt unaute pawh hi helhoin an vau tawh bawk.