BJP-in PDP rawtna a pawm dawn

Jammu and Kashmir, People's Democratic Party hotu Mufti Mohammad Sayeed a thih tak avangin a aiawhtu atan a fanu, Mehbooba Mufti chu a pa thlaktu atan PDP hian dah a duh a, ṭangrual sorkar a siampui BJP pawhin PDP duhthlanna hi a pawmpui dawn tih a sawi.

BJP vice president leh Jammu and Kashmir in-charge ni bawk, Avinash Rai Khanna chuan, "Hruaitu thar tur thlan chungchang chu PDP kutah a awm a ni" tiin, PDP chu an thawpui a ni a, an thutlukna siam chu an zahsak tur thu a sawi. J&K Assembly-a seat 8 awmah PDP hian seat 28 neiin, BJP-in seat 25 a nei. Eptu pawl National Congress in seat 15 leh Congress party in seat 12 an nei bawk.

Mehbooba Mufti-i hi kum 56 mi niin fanu pahnih a nei a, PDP President ni lai a ni a, Lok Sabha member a ni bawk. Mufti hi a pa thlak tur hian lakluh nghal mai beisei ni mah se, a pa a sun hlim chauh a nih avangin Pathianni hma chuan thildang ngaihtuah a duh loh thu a sawi.