Airport-te khawpui hming chawia phuah tum

Sorkar laipui chuan ramchhunga airport zawng zawngte chu mimal hming puttir lo a, an awmna khawpui hming chawitir zawk tura rawtna chu a ngaihtuah dawn.

Sorkar laipui chuan he rawtna hi tun thla tawp lamah Union Cabinet hmaah pharh a ni dawn niin a sawi. Civil Aviation Ministry chuan he thil hi civil aviation policy pakhat a nih thu sawiin, thutlukna erawh siam a ni lo a, ngaihdan hrang hrangte an lakhawm mek tih a sawi. File hi minister hnenah a la tang mek a ni.

Punjab leh Haryana sorkar chu Chandigarh airport hming puttir dan turah an inhnial mek a, Punjab lam hian martar Bhagat Singh hming chawitir a duh laiin, Haryana lam hian RSS hotu hming puttir a duh thung.