BJP-in UP-ah CAA thlawpna rally huaihawt dawn

Bharatiya Janata Party (BJP) chuan Citizenship (Amendment) Act (CAA) thlawpna Uttar Pradesh-ah rally paruk huaihawt a tum. He rally hmang hian mipuite hnenah CAA ṭhatnate hrilhhriat an tum dawn a ni. 

Pro-CAA rally-ah hian union minister Smriti Irani leh Nitin Gadkari, Rajnath Singh, Madhya Pradesh chief minister hlui Shivraj Singh Chauhan leh BJP hotu JP Nadda ten thu an sawi dawn. Ngaihven hlawh ber erawh chu January 21-a union home minister Amit Shah-a'n a telpui tur, Lucknow-a rally  neih tur chu a ni. 

Lucknow-a Amit Shah hoa rally neih tur atan hian BJP UP unit chu an inbuatsaih nasa tawh hle a, he rally-ah hian mipui tel an ṭhahnem dawn tih an sawi. Airport aṭanga rally neihna hmun thlengin CAA thlawpna thu ziahna, banner leh hoarding te tar tum a ni. He huna tel tur hian Muslim pawl hrang hrangte pawh sawm nia sawi a ni bawk.