Rahul Gandhi zin a lo haw

Congress vice president, Rahul Gandhi chu ni eng emaw chen thanga Europe-a a zinbo hnuin, Pathianni khan a rawn haw a, nimin khan Cong≠ress hruaitute meeting a neihpui nghal.

Rahul Gandhi-a zinchhuak hian sawizui a hlawh thei hle a, nikum February thlaa ni 56 chhung chawlh laa a zinbo khan a kalna chin puanzar a nih loh avangin party dangte'n beihna remchangah an hmang nasa hle.

September thlaa Asepn, US-a conference hmang tura a zinchhuah pawh khan politics lamah inhnialna a siam tam phah hle bawk.

BJP chuan conference a chhim tia a sawi hi an ringhlel a, mahse BJP chhanletna atan Rahul chuan conference an neih lai thla hi a twitter-ah a tarlang a ni.

Gandhi hian December 28 khan a twitter-ah Europe-ah a zin tur thu hi a tarlang a, kum dangah pawh kumthar lai hian a lo zinchhuak fo tawh ṭhin.