Nirbhaya thubuai: Tihar Jail-in khaihlum ni thar ruat turin ngen

Nirbhaya pawngsual leh tualthah thubuaia thiam loh chantirte chu January 22-ah khaihlum tura tih ni mah se Delhi Tihar Jail chuan khaihlum tur ni thar ruatsakna turin sorkar an ngen.

Tihar Jail hian 'mercy petition' chinfel a nih hma chuan thiam loh changte chu khaihlum theih an ni lo tih sawiin, Delhi Court hnenah nimin khan state sorkar hnenah khaihlum hun tur ni thar ruar tura an ngen thu an sawi a ni.

Court chuan thuchhuah an siamah, "January 22 thleng turin ni nga a la awm. President chuan zahngai tura ngenna hi ni khat emaw ni hnih emaw hnuah chuan a hnawl rin a ni. Chumi hnuah chuan ni 14 hun an dil leh thei ang.

Chuan ni thar an dil leh thei ang. Hetiang tehnuai a nih lai hian engtin nge khaihlum an nih theih ang," tiin an sawi. Khaihlum tur zinga mi Mukesh Singh chuan Thawhlehni khan 'mercy petition' a thehlut a, President-in lo hnawl pawh ni se khaihlum an nih hmain ni 14 pek belh leh hrim hrim a ngai dawn a ni.