R-Day atan inbuatsaih ṭan

January 26-a Republic Day lawmna neih tura atan sorkar laipui a inbuatsaih ṭan.

A lawmna pui ber neihna tur, Delhi khawpuiah pawh venhimna khauh zawka kalpui a nih theihna atan paramilitary force 10,000 dah belh an ni tawh.

Republic Day lawmna neih turah hian France President Francois Hollande chu khuallian a ni ang.

Home Ministry official chuan, Delhi khawpuiah hian security ṭha thei ang ber kalpui tum a ni" a ti.

Kum 2014 Republic Day lawmnaah khan Delhi-ah hian venhim hna thawk turin paramilitary force company 50 (company pakhatah sipai 100 zel an awm) dah an ni, kum 2015-ah khan company 95 dah an ni bawk. Kuminah venghimtu hi dah belh lehin, company 100 dah an ni dawn a ni.

Tun hnaiah firfiakte'n Pathankot airbase an beih avangin venhimna lam pawh uluk zual a ni a, Delhi khawpui leh khawpui lian dangahte venhimna khauh taka kalpui a ni.

Venhim hna thawk tur hian khawmual sipai tam tham tak dah an ni bakah, sorkar lapui chuan Delhi bial hrang hrangah anti-aircraft gun-te dah≠in, no-fly zone pawh a siam dawn bawk.