Pakistan mi 74 hnenah visa pe duh lo

Sorkar laipui chuan Pakistan mi, Agra bula sakhaw hun pawimawh hmang tura biakzina kal tum, mi 74-te chu tualchhung thuneitute thurawn angin visa a pe duh lo.

He thu hi Pakistan High Commission chuan sawichhuakin, "Pakistan mi 74-te hnenah India chuan visa a pe duh lo a ni. Heng mite hi Pakistan ram chhung hmun hrang hranga chengte an ni a, visa an dilna hnawlsak a nih chu hrehawm an ti hle a ni," a ti.

Pakistan mite hi January 11-18 inkara Agra bula Hafiz Abdullah Shah thlana kumtina intawhkhawm neih ṭhin hman tum an ni.

Pakistan High Commission thupuangtu chuan, "He thil thleng hi ram pahnihin kum 1974-a biakzina kal te chungchanga inremna an lo siam tawh nena inkalh a ni. Pakistan chuan inremna an lo siam ang hian biakzina kal tur India mite visa a pe duh lo ngai lo," a ti.

Hetihlai hian Ministry of external affairs thupuangtu, Vikas Swarup chuan Pakistan mite hi visa an dilna-a an tih dik tawk loh avangin an dilna hi hnawlsak an ni tih a sawi.

Swarup chuan sakhaw hmun thiang≠hlim tlawh tur kal tumte chuan an dilna-ah organising committee emaw, tual≠chhung thuneitute'n emaw an hriat≠puina an thil tel a ngai niin a sawi. Tun ṭuma Pakistan mi rawn zin tumte anmahni buaipuitu tur organising committee an awm lo a, tualchhung thuneitute pawhin an thlawp lo tih a sawi.