NH-ah kawng km 50,000 a thui puan belh dawn

Road Transport and Highways Minister, Nitin Gadkari chuan January 26 hmain sorkar laipuiin ramchhunga kawngpui, kilometre 50,000 vela thui chu National Highway (NH) ah a puang dawn tih a sawi.

Delhi-a chanchin thar lakhawmtute a kawmnaah, Gadkari chuan, "Tunah hian ramchhunga National Highway-a puan tawh thui zawng hi km 96,000 a ni a, sorkar chuan January 26 hma ngeiin National Highway hi km nuai 1.5-ah tihpun hman a tum a ni," a ti.

Minister chuan kawng≠≠pui single lane chu double lane-a zauhin, two lane pawh four lane-ah, six lane chu eight lane-a an zauh tur thu a sawi.

Sorkar laipui chuan kawngpuia motor chetsualna thleng ṭhin tihziaawmna turin ruahmanna thar a siam bawk a, passenger phur chi motor zawng zawngah air bag dah vek turin a ti. Hei bakah hian driving licence dik loa motor khalh ṭhinte dapchhuah beihpui thlak tum a ni bawk.

Ramchhunga driving licence pekchhuak zinga 30% dawn chu a dik lo niin a sawi.

Gadkari chuan kum nga chhungin National Highway-a chetsual thlen tamna, black spot hmun 726 thuam ṭhatna turin sorkar chuan cheng vaibelchhe 11,000 a rua≠hman thu a sawi.