Indo ralthuam chi 26 ram chhung siam lei dawn

Defence industry tihhmasawnna tur leh ramdang aṭanga ralthuam lakluh tihtlem a nih theih nan, ram chhunga defence industry-te siam indo ralthuam chi 26 lei a ni dawn tih defence ministry chuan a tarlang.

Kar liam ta khan finance minister Nirmala Sitharaman chuan ram chhunga thil siam chhuaktute tihhma­sawn an nih theih nan India sorkar chuan ramchhung thil siam lei kawngah theihtawp chhuah a tum thu a sawi. 

Ram chhunga thil siamchhuaktute hnen aṭanga ralthuam thil 127 aṭanga 26 lei a ni dawn ta hi Nirmala chuan a lawmawm hle thu a sawi. Foreign Direst Investment (FDI) pawh 49% aṭanga 74% a tihsan a nih thu Nirmala chuan a lo sawi tawh bawk.