Billboard 200 album chart tharah American rapper leh singer, Rod Wave album thar 'Don't Look Down' chu No.1 a ni thei nghal. Rod Wave in album chart-a No.1 ni thei album pali a neihna chiah niin a hmain a album dang pathum Nostalgia, Beautiful Mind, leh Soulfly -te chu No.1 a lo nihpui tawh bawk a ni. Hei bakah album chart-a top 10 lang thei album pariat a neihna a ni bawk.
'Don't Look Down' album hian tihchhuah karah equivalent album unit 99,000 a nei tling a, Luminate-in a tarlan danin album unit tam zawk hi streaming kaltlanga a hmuhchhuah a ni hlawm. Album-ah hian track 20 awmin CD leh vinyl LP ahte tihchhuaha a ni. He album hi ama signature piano-driven soul lam hawi niin a rimawi zinkawnga a hlawhtlinnate tarlang thei tur zawnga siam a ni .
Alex Warren chuan a album thar 'WILDCHILD' hmangin no.2 a rawn luahlum thar veleh thei a, kar hmasa chhung khan equivalent album unit 75,000 a nei tling. Ella Langley 'Dandelion' chu pathumnaah tlahniam ve tawh thung a, album unit 67,000 a la neih belh thei.
Olivia Rodrigo album 'you seem pretty sad for a girl so in love' chu palinaah tlahniam bawkin, kar hmasa chhung khan album unit 67,000 a neih belh leh. Chart mawitu Morgan Wallen album 'I'm the Problem' chuan album unit 60,000 neih belhin Top 5 a la khar phak zui zel.
