Smoke on the Water- Deep Purple
A hunlaia khawvela hla lar leh hit a ni a, tun thlengin rock hla lar zinga mi a la ni. 'Smoke on the Water' hla hi Mizo tam tak chuan Deep Purple kan hriat phahna hla a ni ngei ang. A vanglai chuan ram hrang hrang chart-ah a thleng sang berte zinga mi a ni.
'Smoke on the water' tih awmzia chu Geneva Dil (Lake Geneva) chunga meikhu z‚m chuai mai, dil tui meikhuin a bawh ch˚k mai sawina a ni. Deep Purple album hit, Machine Head-ah khan he hla hi a awm. He hla hi Deep Purple member-te tan chuan theihnghilh chi a ni lo a, an recording plan zawng zawng mei v‚pa a chan
ṭum hriatrengna hla a ni ber mai.
Kum 1971 kha a ni a, December thla a ni a, Switzerland chu a v‚wt viau tawh a, Alps tlangpanga awm a nih avangin v˚r pawh a paw chuai tawh. Chutiang taka vawt chu ni mah se, Montreaux Casino erawh a boruak a lumin, p‚wn boruak vawt chuan a chhung lamah nghawng a nei lo emaw tih mai tur a ni; chumi zan chuan Montreaux Casino-ah hian Frank Zappa leh Mothers of Invention te an che dawn tlat atin ni.
Montreaux Casino leh Deep Purple hi an inzawmna a ṭha hle. Hetih hunlai hian Rolling Stones Mobile Studio hmanga Montreaux Casino hmunah Deep Purple hian an album hit, Machine Head record tuma an awm lai a ni. He hmun neitu hi Claude Nobs a ni a, Deep Purple te hian he hmun hi an ngaina a, chu mai bakah a neitu nen hian an inṭhian ṭha hle. Montreaux Casino-ah hian an bungrua zawng zawng an chhawp a, anmahni erawh hotel-ah an thleng thung. Frank Zappa concert hi an album recording an tih ṭan hma zan a ni.
American musician ropui Frank Zappa a chet hma lawkin, chu casino-a pungkhawm mipui zinga a sahawk zual pakhat chuan flared gun a k‚p a, in chung lamah a thlawk chho. In chung ceiling chu awlsam taka k‚ng thei chi a lo ni hlauh mai si a, ceiling chu a k‚ng ta a ni. Alh duh chi a nih avangin ṭhelh ngaihna a awm lo a, mahse vanneihthlak takin hliam na tuar an awm lo hlauh. Tichuan Montreaux Casino chu zan khat thil thuah mei v‚pah a chang a, Deep Purple-in recording tih an tumna hmanrua zawng zawng pawh a k‚ng ral ta vek a ni. Chu in k‚ng meikhu chuan chu khua, Geneva khuaa dil, Geneva Dil chu a bawh paw ch˚k a, chu chu an thlenna hotel aṭangin Deep Purple te hian an lo thlir a ni.
Smoke on the Water hla phuahtu deuh ber hi an bass guitarist Roger Glover a ni a, k‚ngmei chhuah hnu lawkah, a mumangah k‚ngmei chhuak hi a hmu a, a harh hlawl a, a phuah ta a ni.
A hnuah Machine Head album tur chu an record ṭha leh a, Smoke on the Water pawh chu an dah belh ta a, tichuan kum 1972 khan album chu an tichhuak ta a, a hla mal (single) erawh chuan May 1973 khan an tichhuak chauh a ni.