Global Cinema Film Festival-ah Mizo film

Boston-a Global Cinema Film Festival-a Mizo film 'Go Lucy Go' tih chu an chhuah dawn a, he film hi Aizawla Gan Sabra-a HIV kai naupang enkawlte chanchin a ni. Gan Sabra-ah hian HIV pai naupangte enkawl an ni a, tunah hian an home-a mi 25 leh community hmunah 25 enkawl mek an ni.

He home hotunu, Lucy Maruati Chhangte chuan 'Go Lucy Go' tih hi nikum October thla vela an siam a ni tih a sawi a, he film-ah hian amah leh a thawhpuiten HIV/AIDS an do dan leh HIV hrik pai naupangte an enkawl dan te tihlan a ni ang.

Go Lucy Go film director leh writer hi Vince Williams a ni. A awmna category hi Human Rights Documentary Short film a ni a, he category chhungah hian film 12 screen tur a awm ang. Film festival hi April 7 - 10 chhung khian US-a Boston khawpuiah neih a ni ang.