Oscar nomination an puang Jennifer Lawrence-in record a siam

Movie khawvela chawi≠mawina sang leh ropui bera an ngaih, Oscar tia sawi, Academy Awards nomination list puan chhuah a ni a, Jennifer Lawrence-i chuan record a siam a, Leonardo Dicaprio channa, Revenant leh Mad Max te movie-ah chuan an langsar.

Kum 25 mi actress chhe lo, Hunger Games-a a changtunu, Jennifer Lawrence chuan record siamin, Oscar-a nomination pali hmu thei naupang ber a ni. Kumin hian Lawrence hi Best Actress category-ah a lang a, Joy film-a a chan vanga lang a ni. He category-ah hian Cate Blanchett, Brie Larson, Charlotte Rampling leh Saoire Ronan te an lang. Kum 2011 khan Best Actress-ah bawk a hming a lo lang tawh a, hetihlai hian miin an la hre tam lo. Kum 2014 khan Best Supporting Actress-ah a lang a, kum 2013 khan Best Actress-ah nominate a lo ni tawh bawk.

Movie malah chuan The Revenant a langsar ber a, category 12-ah ngawt a lang a, pahnihna chu Mad Max: Fury Road niin 10-ah a lang a, The Martian chu pasarihah a lang bawk. Revenant avang hian Leonardo Dicaprio chu Best Actor-ah a lang a, Titanic vanglai aṭanga Oscar la dawng miah lo Leonardo hian a dawng thei ang em tih khawvelin a thlir. Ani ang film chan thiam si, Oscar la dawng miah lo hi an vang a, mi tam takin an vuipui hial a, a ‚wm viau a ni.