Sangkimi Khiangte A music video thar TV-ah

Ṭhazualah pawh pakhatna lo hauh tawh ṭhin Sangkimi Khiangte chuan nikum aṭanga a lo sawilawk leh a lo buaipui tawh a music video chu a peih fel a, vawiin hian TV-a tihchhuah turin a dah lut tawh dawn.

Sangkimi hla thar hi 'Inṭhen lawng' tih hla a ni a, Samuela Chhangte, nikum lawka 'Lungrun' tih hla hmanga Ṭhazual Lengzema pakhatna vawi hnih hauh thei nena an sak a ni. Sangkimi chuan, "Samuela hi a zaithiam a, zaipui pawh a nuam ka ti hle. Amah nen kan innelin kan inpawh em em a ni," a ti. 'In-
ṭhen lawng' tih hla hi Ruata phuah a ni a, a video hi Ch‚mtea, Champhai kut chhuak niin, Champhaia an shot a ni. RKA Studio-a an record a ni thung.

"A video hi a simple ang reng viau a, mahse a nalh ka ti hle. Country music lam deuh a ni," tiin Sangkimi hian a video thar hi a sawi. Ani hian nikum aṭang khan album siam turin a buai tawh a, tunah hian a album siam nana tih ngai a tam zawk hi a zo tawh a, kumin kum chanve hmalam hi chuan kan hmuh ngei a rinawm viau.

"Album tura mi hla pasarih lai Champhaiah hian kan shot a, a hahthlak ang reng viau nangin a nuam viau thung," a ti. Music video tihchhuah tur hmachhawp pawh Sangkimi Khiangte hian a nei nual a, nikuma a siam peih tawh, Krismas boruak avanga a tihchhuah leh tak mai loh 'Lunglam ka vai' tih hla pawh tihchhuah mai theih a ni tawh a, hei bakah hian hla pakhat dang dah ṭhat khiau a nei bawk. A zaipui, Samuela Chhangte pawh hian music video thar neih a tum hnai bawk.