Eagles member Khawvelin a chân

Eagles hla hit tak tak 'Take it easy', 'Lyin' eyes', 'New kid in town', 'Tequila sunrise' leh dangte satu, Glenn Lewis Frey chu Thawhṭanni khan a thi. Kuminah khawvelin zaithiam ropui leh actor hlawhtlingte a ch‚n chho ta mawlh mawlh mai. Frey hi a thih hian kum 67 mi a ni.

Eagles dintute zinga mi, Glenn Frey hi Thawhṭanni khan New York-ah a thi a, natna chi hrang hrangin a tlak buak a, a thihpui ta a ni. Rheumatoid arthritis a nei a, acute ulcerative colitis leh pneumonia te a nei bawk a, heng a natnate tuar lo hian a thi ta a ni. Nikum khan rilf‚ng (intestine) ṭha lo avangin Eagles-in concert an neih tur pawh an lo ṭhulh tawh a, zai a ni a, a dam chhoh mek laiin natna dang avang hian a thi a ni.

Kum 1971 khan Glenn Frey leh a ṭhiante - Don Henley, Bernie Leadon leh Randy Meisner te chuan Los Angeles-ah Eagles band an din a, hetihlai chho, 1970 chho hian Glenn Frey hian guitar, piano leh keyboard te a tum ṭhin a, a zai bawk. Kum 1980-a Eagles an tawp khan Frey hi solo-in a kal chhunzawm a, kum 1982 khan 'No fun aloud' album a tichhuak a, a hlawhtling chho viau. Kum 1984 khan The Allnighter album a tichhuak leh a, kum 1988 khan Soul Searchin tichhuakin, 1992-ah Strange Weather leh kum 2012-ah After Hours te a tichhuak. Kum 1984 khan a hla The Heat is on chu US single chart-ah pahnihna a ni a, Yopu Belong to the city pawh pahnihnaah a kai pha.

Kum 13 chhung zet Eagles hi an tawp hnuah kum 1993 khan Common Thread: The Songs of the Eagles album chu an rawn tichhuak a, kum 1994 khan pangngai takin an kalho leh ta a ni. Tun thlenga Eagles-a member, a din tirh aṭanga tel chu Don Henley leh Glenn Frey te chauh an ni. Hei vang hian Don Henley chuan a ui lehzual hle a, "Ka tan chuan unau dik tak a ni a, chhung≠kaw khat ang chiah kan ni mai," a ti. "Kum 45 kalta aṭanga inzawmna kan neih kha a chhe ngai lo a, kum 14 chhung Eagles kan tawp chhung pawh khan kan inṭhianṭhatna leh inunauna hi a chhe ngai lo. Rawlthar pahnih, suangtuahna tam tak inang nei chunga Los Angeles pan kan ni a," tiin Don Henley chuan a sawi.

"A bula awm a hlimawm a, mi khawngaihna leh hriatthiamna a ngah a, talent a nei ṭha a, a taima em em bawk. Thil dang zawng aiin a nupui fanau a ngaihsakin a hmangaih a ni. A thih thu kan hriat hian min ṭh‚wng em em a, rin harsa ka ti a, ka thinlung hi a lungngai a ni. Kum hnih awh History of the Eagles Tour kan nei mek a, kumin July thla hian kan zo tawh dawn a, mahse ani chu a awm ve tawh dawn si lo," a ti.

Frey hian a nupui Cindy leh a fate pathum - Taylor, Deacon leh Otis te a kalsan.

Pianna November 6, 1948; Detroit, Michigan, US

Genres Rock, pop rock, soft rock, country rock

Studio albums No Fun Aloud, The Allnighter, Soul Sear­chin', Strange Weather, After Hours

Live albums Glenn Frey Live

Compilations Solo Collection

Singles "The One You Love" "Sexy Girl" "The Heat Is On" "Smuggler's Blues" "You Be­long to the City" "True Love" "Soul Sear­chin'" "Livin' Right"

A hla sak 'Take it easy' 'Chug all night' 'Peaceful Easy Feeling' 'Doolin-Dalton' (Don Henley nen) 'Out of control' 'Tequila sunrise' 'Outlaw man' 'Already gone' 'James dean' 'OI' 55' 'Good day in hell' 'Lyin eyes' 'After the thrill is gone' 'New Kid in the town' 'King of Hollywood' leh 'Teen­age Jail' (Henley nen) ''Heartache tonight'

A phuah 'Take it easy' 'Chug all night' 'Most of us are sad' 'Out of control' 'Tequila sunrise' 'Desperado' 'On the border' 'Good day in Hell' 'Lyin eyes' 'Take it to the limit' 'One of these nights' 'Hotel California' 'New kid in town' 'Life in the fast lane' 'The last resort' 'The long run' (Heng hla ṭhenkhat hi chu midangte nena an phuah dun/ho a ni)