PL Engmawia ke an tan leh

Hla phuah thiam, PL Engmawia, Sateek khua, zaithiam lar tam takin a hla an saksak tawh chu a vawi thumna atan Civil Hospital, Aizawlah a ke an tansak leh.

PL Engmawia hian hla ṭhahnem tak a phuah tawh a, Famkimi Kawlni sak 'Nghilhzai rel ang' tih te, Ruatpuii Rokhum sak 'Lungdam nan' te, H. Vanlalngura sak 'Dam chhan, Priscilla Fanai sak 'Kumtluangin' leh Muanpuia, Dream Hunter sak 'Tete' tih hla te kha a phuah a ni. PL Engmawia ke hi a dinglam bik vawi hnih an tan hnuah a la pangngai theih loh avangin a vawi thum nan an tan belh leh a ni.

A natna ang hi thrombosis niin thisen khang ang chi a ni. Thisen zam a in-block thei a, enkawl vat loh chuan taksa tan a hlauhawm thei a, stroke te pawh a thlen thei.

Hmachhawp eng emaw zat a nei tho a, B. Puia, Zaiawi te nen a dam ve leh music lamah hmachhawp neih an tum.