Adele-i'n record a siam leh tawh

Tunah chuan a mak tawh lo zawk! Adele chuan a hla hit 'Hello' hmangin record a siam leh tawh a, Vevo-a entu tluklehdingawn khat a nei tling tawh.

Vevo chuan Thawhṭanni khan Adele record siam thar chungchang hi a puang chhuak. Adele hian thla thum chhungin a 'hello' hi entu tluklehdingawn khat a nei tling thei a, Vevo-a video, entu tluklehdingawn khat nei tling chak ber a ni.

A hmaa Vevo-a entu nei tak chak ber ṭhin chu Wiz Khalifa leh Charlie Puth te hla 'See You Again' kha a ni a, kha music video khan, Vevo-a entu tluklehdingawn khat nei tling turin thla ruk chhung a mamawh a ni.