Beisei angin David Bowie

David Bowie khawvelin a thlah a, a thihna hian nasa takin a album hralh a tipung thung. Chuai lampan ve tawh David Bowie hian a thih hma lawk ni hnih mai khan album a tichhuak a, a album tihchhuah hi khawvelin a hlut a, Billboard album chart-ah pawh pakhatna a rawn hauh thei ta.

Music analyst ten an lo sawi lawk leh beisei angin Billboard album chart-ah hian Adele album 25 chu David Bowie hian a rawn luah lan a, pakhatna a rawn hauh. Kar liam ta chhung khan Bowie-a album hnuhnung ber 'Blackstar' chu copy 181,000 an hralh a, Adele album 25 hi pahnihnaah awmin copy 143,000 an hralh.

'Blackstar' mai bakah hian David Bowie album leh a hla dangte pawh a thih hnu hian nasa takin a hralh a kal. Kum 2002-a a tihchhuah daih tawh a, Best of Bowie album, a hla
ṭha hrang hrang khungkhawma album a tihchhuah chu Billboard album chart-ah hian palinaah a rawn lang leh bawk. He album hi kar liam ta chhung khan copy 94,000 lai a hralh. Best of Bowie hi a tihchhuah kum kha chuan pasarihna bak a thleng pha lo.

Justin Bieber-a album 'Purpose' pawh a la hit zel a, pathumnaah la awmin, copy 94,000 a hralh.

Billboard 200

"Blackstar" - David Bowie (181,000)

"25" - Adele (143,000)

"Purpose" - Bieber (104,000)

"Best of Bowie" - David Bowie (94,000)

"Blurryface" - Twenty One Pilots (43,000)

"Beauty Behind the Madness" - The Weeknd (39,000)

"Traveller" - Chris Stapleton (33,000)

"T R A P S O U L" - Bryson Tiller (33,000)

"When It's Dark Out" - G-Eazy (29,000)

"Fetty Wap" - Fetty Wap (29,000)