Miss Universe Pakistan-in sawisel a tawk nasa

Miss Universe Pakistan hmasa ber atana thlan, kum 24 mi Erica Robin chuan an ramah sawisel a tawk nasa a, sawiseltu zingah hian Islam sakhaw hruaitute leh caretaker Prime Minister-te pawh an tel.

Miss Universe Pakistan pageant hmasa ber hi Maldives-ah buatsaihin Kristian nula, Erica Robin hi thlan tlin a ni a, November thlaa El Salvador-a Global Miss Universe Pageant-ah Pakistan ai a awh thei dawn a ni. Mahse an ram hruaitu lam thlenga sawiselna a nasat avangin Miss Universe thlannaah hian a tel dawn em a chiang ta lo a ni.

Islam sakhaw hruaitute chuan Miss Universe Pakistan pageant an buatsaih chu Pakistan ram hmuhsitna leh thil zahthlak tak a ni tiin, organiser-te chungah action la turin sorkar an phut.