Billboard 200-ah Olivia Rodrigo a chungnung ber

Billboard 200 albums chart tharah Olivia Rodrigo album pahnihna, 'Guts' chu a chungnung ber. A debut studio album, 'Sour' pawh no. 1 a lo nihpui tawh bawk a, a album pahnihte chu chart-ah no. 1 a nihpui thei ve ve a ni.

'Guts' hian kar liam ta chhungin US-ah bik equivalent album unit 302,000 a nei a, a album-a hla 12-te chuan on-demand official stream mtd 199.59 an nei pha bawk. Kumin chhunga tlangzarh kara streaming tam paruk an ni pha. Album sale 150,000 a nei bawk.

BTS member V debut solo album, 'Layover' chuan a kar khatnaah equivalent album unit 100,000 neiin chart-ah no. 2 a rawn ni pha bawk. Kar hnih chhung a chung ber dinhmun lo hauh tawhtu, Zach Bryan-a self-titled album chu no.-3 ah tla thlain, equivalent album unit 95,000 a nei.

Morgan Wallen 'One Thing at a Time' chu no. 4-ah tla thla bawkin, no. 9-ah a album dang pakhat a lanpui thei bawk. Travis Scott hit, 'Utopia' chu no. 5-ah a tla thla bawk.