Mizo Film Award host tur Zonuni Pachuau

Mizo Film Award 2023 atana inbuatsaihna pawh ngawrh taka kalpui zel niin host tur pawh tihfel a ni ta. Zonet anchor hriat hlawh Zonuni Pachuau chuan Mizo Film Award vawi hnihna hi a host dawn a ni.

Durtlang Leitan nula Zonuni Pachuau chuan, "Mizo Film Award buatsaih a ni hi a lawmawm ka ti tak zet a, film lama tui mite chawimawina hun hlu bik ka host thei tur pawh hi ka lawm hle. Filmmaker-te an ṭhang nasa a, a lawmawm takzet. Kum tin hmasawnna a awm chho zel hi kan lo hlimpui ve veng veng ṭhin. Mizo film industry-in nasa takin hma a sawn a, an kal leh zelna turah pawh duhsakna ka hlan e," tiin a sawi.

Mizo Film Award 2023- ah hian category 12 a awm dawn a, Best Series, Best OST leh People's Choice Award te telh thar a ni. A hmunah mipui tam zawk an kal theih nan ticket siam a ni a, Rs. 100/- man a ni. Ticket hi a tam dawn loh avangin ngaihven hma a sual lo ang.

Mizo Film Award 2023 hi Entertainment Society of Mizoram buatsaih a ni a, September 29, Zirtawpni zan hian Vana pa Hall-ah sem a ni ang.