Vau a tawh avangin Peso Pluma'n concert tur ṭhulh

Mexican star, Peso Pluma chuan Mexican cartel aṭanga thaha vauna a tawh avangin, October 14-a Tijuana, Mexico-a concert a neih tur chu a ṭhulh.

Kum 24 mi, Peso-a labels, Double P Record leh Prajin Music Group chuan fan-te leh team-te himna chu an ngai pawimawh ber a, hei vang hian mi tinte himna turin Tijuana-a show neih a tum chu ṭhulh a ni tih an puang.

September 12-a 2023 MTV VMA-a Peso a perform lai kha, Tijuana-ah hian vauna banner an lo tarlang a, October 14-a Tijuana-a concert a neih tur ṭhulh tur leh, thu a awih lo a nih chuan a show tawpna ber tur a ni tih thute an lo ziak lang a ni. He vauna thuziakah hian Peso-a pianna, Jalisco-a Jalisco New Generation Cartel chuan hming an ziak. Baja California Attorney General's Office chuan he vauna thuziak hi an chhui zui nghal a, mi pakhat an man tawh a ni.