Australia-in ‘Swiftposium’ buatsaih dawn

Australia chuan music industry leh a piah lam, culture leh economy lam thlenga Taylor Swift-in nghawng a neih zir chianna, international academy symposium a buatsaih dawn.

He symposium neih tur, 'Swiftposium' tia an sawi hi nakkum February thlaah, Swift-i'n Australia-a Eras Tour a neih karah hman a ni dawn a, ni thum a awh ang. He hunah hian Asia-Pacific region aṭangin researcher eng emaw zat an tel dawn a ni.

Swiftposium organiser Jennifer Beckett chuan, Taylor Swift hian khawvel pumah nghawng na tak a nei mek a, entertainment lam chauh ni lo, GDP thleng pawhin a nghawng a ni, a ti. Eras Tour a neih mek chuan ram economy a nghawng tel phak avangin, khawvel ram hruaitu hrang hrang pawhin an ramah concert nei tur hian an ngen a ni, a ti.